Размер шрифта
A- A+
Межбуквенное растояние
Цвет сайта
A A A A
Изоображения
Дополнительно

Разделы сайта

Главная

Мікіта Ярашэвіч

Мікіта Ярашэвіч нарадзіўся 29 сакавіка 2005 года. Захапляецца японскай, англійскай і беларускай паэзіяй, вельмі любіць чытаць. Займаецца плаваннем. Хобі – мастацкае фота.

Шчасце – жыць у мірнай краіне!

Я шчаслівы іду па зямлі,

Дзе высокія сосны, прастора,

Дзе над лесам ляцяць жураўлі,

Пазіраючы ў Мінскае мора.

 

Я шчаслівы па лесе іду:

Ранак, сонца, туманны ўзлесак.

Можа, кветкі якія знайду,

Можа, ландышы, можа, пралескі?

 

Я шчаслівы іду па зямлі

І любуюся мірнай краінай,

Дзе ў небе лунаюць буслы,

І краіны другой мне не трэба.

 

Летняя імпрэсія

І вось прыехаў я на мора –

Ужо купацца тут гатовы.

А сонца тут праменьчыкамі ззяе,

Паветра летнім жарам напаўняе,

Марскія хвалі б’юцца аб пясок,

І брыз марскі мне чуецца здалёк.

І трэба старажытным замкам захапіцца,

Бо гэта тайн загадкавых крыніца.

Магутнасць гор адчуць тут трэба

І павітацца з яркім небам.

А колькі пальмаў тут стаіць!

Усёй красы прыроды не злічыць.

 

Наш Сцяг

 

Ганаруся табой, беларускі народ!

Ты мой край ратаваў ад трывог і нягод,

Ты змагаўся з фашысцкай навалай.

Сцяг чырвонаю фарбай палае –

Кроў байцоў, партызанаў і мірнага люду.

І пра тое заўсёды я памятаць буду!

 

Тут зялёнае поле, смарагдавы лес,

Усміхаецца сонца з блакітных нябес.

І спакойнае неба, і мір на Зямлі –

І зялёныя хвалі на Сцягу тваім.

Ганаруся табой, беларускі народ!

Ты мой край ратаваў ад трывог і нягод.

 

Хоку

Восень

Восеньскі вечар,

Рыхтуюся да школы.

Будзе новы дзень!

*   *   *

Зіма

Хораша зімой.

Катаюся на лыжах –

Гэта здорава!

*   *   *

Холадна

Замерз учора.

Холад зімой не бяда.

Летам – во гора!

*   *   *

Каштаны

Цвітуць прыгожа,

Як быццам гараць свечкі –

Радасць для людзей.

 

Смяецца лес

Смяецца снегам лес,

Сняжынкамі спявае.

На сонцы іскрамі гуляе –

Смяецца снегам лес.

 

Мароз пад елачку залез

І нос у снег хавае.

Смяецца снегам лес

Сняжынкамі спявае.