Дзень інавацыйнага праекта

Творча падышлі ўдзельнікі інавацыйнага праекта ў гэтым навучальным годзе да ўдзелу ў конкурсе “ART-гаспадынька”.

Як заўсёды, рыхтавацца да ўдзелу ў конкурсе пачалі загадзя: праводзілі міні-даследаванні, выбіраючы беларускую нацыянальную страву, якую можна прыгатаваць, каб здзівіць членаў журы і іншых удзельнікаў конкурсу. Трэба адзначыць, што з кожным годам становіцца і складаней, і цікавей, бо знайсці рэцэпт стравы, якую ніхто яшчэ не прадстаўляў на наш конкурс няпроста. Тым не менш удзельнікі паспяхова дэманструюць не толькі свае кулінарныя здольнасці, але і цудоўнае веданне асаблівасцей беларускай нацыянальнай кухні. Адначасова яшчэ і слоўнікавы запас узбагачаецца, бо не так проста агучыць відэа па-беларуску. Стараюцца ўдзельнікі конкурсу яшчэ і дэкарацыі ў беларускім нацыянальным стылі аформіць. Журы ўлічвае ўсе гэтыя акалічнасці (згодна з умовамі конкурсу).

Вельмі прыемна, што ў гэтым навучальным годзе зноў да ўдзелу далучыліся і хлопчыкі, якія і сталі пераможцамі.

Журы адзначыла дыпломамі відэаролікі каманд 7 ”В”, 6 ”Б”, 8 “Б”, 8 “В” класаў. Дыплом І ступені і статуэтку “ART-гаспадынька-2021” атрымалі вучні 7 “Б” класа за арыгінальную дэманстрацыю беларускай нацыянальнай стравы “Грыбная поліўка”. Пазнаёміцца з работамі ўдзельнікаў і пераможцаў можна па спасылцы: https://drive.google.com/drive/folders/1Hfjm45rQ-FIOBfIgtBXoaljA0DGJc24M?usp=sharing

Рыхтуемся да конкурсу ў 2021/2022 навучальным годзе.

Поспехаў усім і смачна есці!

Сапраўдным святам у нашай школе стаў традыцыйны конкурс “Спяваем па-беларуску”, які ператварыўся з невялікага канцэрта некалькі гадоў таму ў значны праект пошуку і творчасці. Вучні, бацькі і настаўнікі рыхтуюцца да конкурсу на працягу ўсяго года. Шукаюць прыгожыя беларускія песні, каб здзівіць слухачоў і членаў журы арыгінальнасцю, вывучаюць гісторыю яе стварэння. А потым ідзе актыўная падрыхтоўка да выступлення: прадумваюцца дэкарацыі і касцюмы, развучваюцца песні. А колькі часу ідзе на рэпетыцыі, абмеркаванні!

У гэтым навучальным годзе свята не стала грандыёзным канцэртам як у мінулыя гады, бо прыйшлося праводзіць у фармаце відэазапісаў. Але ўрачыстасці і святочнасці мерапрыемства не страціла: зноў аб’ядналіся вучні, бацькі і настаўнікі, каб зрабіць яшчэ і запісы сваіх выступленняў на відэа. Гэта крыху ўскладніла задачу, але ж мы можам затое глядзець і слухаць беларускія песні ў выкананні нашых вучняў у любы час. Відэазапісы выступленняў пераможцаў можна паглядзець па спасылцы тут: https://drive.google.com/drive/folders/1Y3hfjvLmogcktXttMtPNmlMibeiRt7Cb?usp=sharing

Пераможцамі конкурсу ў 2020/2021 навучальным годзе сталі:

Паліна Падабед-Цагалка (3 “В” клас) – Дыплом І ступені і статуэтка “Скрыпічны васілёк” за цудоўнае выкананне песні “Спіць мядзведзь”

Уладзіслава Колтун (4 “В” клас) – Дыплом І ступені і статуэтка “Скрыпічны васілёк” за выкананне песні “Няма другой такой”.

Дыплом ІІ ступені журы прысудзіла: Кацярыне Завадскай (5 “Б” клас), якая цудоўна выканала песню “Явар і каліна” і вучаніцы 3 “Б” класа Ганне Гуцікавай і яе сябру Івану Бераставу за арыгінальнае выкананне песні “Хлопец пашаньку пахае”.

Дыплом ІІІ ступені атрымалі: Павел Падабед-Цагалка (7 “В” клас) за выкананне песні “Небасхіл Еўропы”, Нур Ібрагім і Арцём Гарэўскі (6 “Б” клас) за выкананне песні “Ніколі”, вакальная група 10 класа (Карына Лесіна, Аліна Буда, Мацвей Мяргур’еў, Мацвей Ракіцкі) за выкананне беларускай народнай песні “Саўка ды Грышка”.

Ганна Аніскавец (3 “В” клас) атрымала Дыплом пераможцы ў намінацыі “Лепшае сцэнічнае ўвасабленне” за выкананне беларускай народнай песні “Жавароначкі”, Глеб Фурманаў і Паліна Піпчанка Дыплом пераможцы ў намінацыі “Лепшы аўтарскі праект”.

Вакальная група “Мара” (кіраўнік Вера Дзмітрыеўна Раманцава), якая выканала песню “Беларусь – ты наш родны кут”, атрымала Дыплом за перамогу ў намінацыі “Лепшая вакальная група”.

Віншуем пераможцаў і пачынаем падрыхтоўка да чарговага конкурсу “Спяваем па-беларуску” ў новым навучальным годзе.

Міжнародны дзень роднай мовы ўжо традыцыйна пачаўся ў нашай школе з флэш-мобу “Скажыце па-беларуску”. Толькі на гэты раз мы прапанавалі не перакласці словы з рускай мовы на беларускую, а назваць адразу па-беларуску тое, што было адлюстравана на выявах. Большасць вучняў з заданнем лёгка справілася, а таксама ўсе настаўнікі без цяжкасці называлі беларускія словы.  Святочнага настрою надалі і беларускія песні, якія гучалі ў фае школы. 

А вось другая частка свята аказалася не такой лёгкай для выканання. Каб адказаць на пытанне, адкуль пайшла традыцыя адзначаць Міжнародны дзень роднай мовы, а таксама на шэраг іншых пытанняў вучні 5 – 9 класаў павінны былі прайсці чатыры станцыі QR-квеста “Свята роднай мовы”. На ўсіх перапынках было чым заняцца: знайсці QR-код, выканаць заданні з яго дапамогай, выбраць неабходную інфармацыю, запомніць, каб потым яе выкарыстаць. Найхутчэй з заданнямі справіліся вучні 8”В” класа, не адсталі і 7 “В” і 7 “Б” класы.

Для вучняў пачатковай школы была прапанавана інтэрактыўная гульня “Збяры валізку”, якую прыдумалі для іх і правялі ўдзельнікі літаратурна-творчага аб’яднання “Купалінка”. Вучні пачатковых класаў ужо ведаюць сяброў аб’яднання і заўсёды чакаюць, бо гульні, якія яны прапануюць, вельмі цікавыя. На гэты раз пачаткоўцы адправіліся ў касмічнае падарожжа, а вось што і каго яны з сабой узялі, ведаюць толькі тыя, хто разумее беларускую мову.

Дзень прайшоў займальна і плённа.

Заданне 1."Народнае свята"

Заданне 2. "Залацінкі народнай мудрасці"

Заданне 3. "Крыжаванка"

Пра падарунак

У асяроддзі славян шырока бытуе павер’е пра тое, што Сонца купальскім ранкам выплывае з-за гарызонта “іграючы”. Яно быццам рассыпаецца на часткі і, як сведчаць народныя легенды, спачатку крыху ўздымаецца над зямлёй, затым апускаецца ўніз, і так колькі разоў. Калі ж назіраць за гэтым аптычным эфектам над вадой (часцей за ўсё рытуальнае месца, на якім нашы продкі адзначалі гэта свята, знаходзілася на ўзбярэжжы ракі або возера), то будзе стварацца ўражанне, што Сонца, якое “іграе”, “купаецца” ў вадзе. Дзень, калі “Сонца купаецца”, і атрымаў у народзе назву Купалле.У Капальскую ноч нашы продкі ішлі на пошукі чароўнай папараць-кветкі. Яны шчыра верылі, што той, хто гэтую кветку знойдзе, будзе незвычайна шчаслівы сам і зробіць шчаслівым свой народ.

“Цвіце папараць на Купалле, а кветка распускаецца толькі на адно імгненне, таму ўбачыць яе зусім няпроста. Сарваць кветку наогул складана… Але яшчэ важней – не прапусціць імгненне, калі кветка раскрыецца! Тады трэба адным маланкавым рухам сарваць яе, пакласці запазуху і імчаць дадому, не азіраючыся!” – такую параду дае пісьменніца Кацярына Хадасевіч-Лісавая ў сваёй кнізе “Код геніяльнасці” (там і іншыя таямніцы раскрываюцца, але мы не скажам, на якой старонцы – прачытайце самі).

Ці бачылі Вы, як цвіце гэта незвычайная кветка? Не? Тады ў нас ёсць для Вас падарунак. Але спачатку адкажыце яшчэ на чатыры вельмі простыя пытанні,  змешчаныя тут:

Зваротная сувязь

Дзякуй, што Вы былі з намі.

Падарунак тут

Любімы конкурс вучняў 5 – 8 класаў нашай школы “ART-гаспадынька” ў гэтым навучальным годзе прайшоў, на жаль, у скарочаным фармаце. Журы былі прадстаўлены 12 відэаролікаў “Смачна есці”, у якіх канкурсанты прапанавалі свае   варыянты прыгатавання нацыянальных беларускіх страў. Атрымалася весела, пазнавальна, прыгожа. Каб стварыць кароценькі сюжэт усяго да адной хвіліны, удзельнікам конкурсу неабходна было правесці сур’ёзную даследчую і творчую работу: знайсці рэцэпт традыцыйнай беларускай стравы, магчыма, цікавую інфармацыю пра яе, напісаць сцэнарый, правесці рэпетыцыі, закупіць прадукты, пад наглядам бацькоў прыгатаваць страву, пры гэтым зняць працэс прыгатавання на відэа, зманціраваць ролік да трох хвілін, падабраць і накласці музыку, дапоўніць эфектамі… І аддаць на суд строгаму і справядліваму журы.

Пераможцамі конкурсу сталі каманда 6 “В” класа, якія прыгатавалі беларускую бабку. Яны і атрымалі Дыплом І ступені. Дыплом ІІ ступені за відэаролік “Беларускія клёцкі” ўручаны камандзе 6 “А” класа. Дыплом ІІІ ступені – гаспадынькам 5 “Б” класа за арыгінальную страву рабчыкі і 6 “Б” за відэаролік, у якім расказвалася, як прыгатаваць кулагу з аладкамі.

Сярод вучняў 7 – 8 класаў пераможцамі сталі гаспадынькі 7 “В” класа (Дыплом І ступені) за відэа “Чакаем бабулю – гатуем бабку”, знятае з дасціпным гумарам, каманда 7 “Б” класа (Дыплом ІІ ступені) за цудоўную прэзентацыю беларускага напою збіцень. Дыплом ІІІ ступені прысуджаны камандзе гаспадынь 8 “В” класа за відэаролік “Запечаныя яблыкі”.

Поспехаў усім удзельнікам конкурсу ў сяброўстве з беларускай культурай. Смачна есці!

Відэаролікі, створаныя пераможцамі,  мы размясцілі ТУТ:

5-6 класы

Чарговы дзень інавацыйнага праекта 15 лютага быў прымеркаваны да Міжнароднага дня роднай мовы і прысвячаўся беларускай песні.

Гучала беларуская мова, спеўная, меладычная, прыгожая, “святочная,з росных травак-былінак сабраная, медунічная і палынная”. Прымалі ўдзел у конкурсе вучні І – ХІ класаў, бацькі і настаўнікі. Гучалі песні аб роднай Беларусі, пра каханне, філасофскія і лірычныя, сумныя і жартоўныя, народныя і сучасныя, спявалі пад акампанемент і акапэльна.

Журы вызначыла пераможцаў у розных намінацыях.

Дыпломы І ступені і сімвал конкурсу “Скрыпічны васілёк” атрымалі вучаніцы 1 “В” класа Ганна Анісавец і Марыя Цыбіна за цудоўнае выкананне песні “Лявоніха” (сярод вучняў І – ІVкласаў) і вакальная група 7 “Б” класа з класным кіраўніком Надзеяй Васільеўнай Ярмолік і настаўнікам фізікі і інфарматыкі Мікалаем Леанідавічам Ганько за арыгінальнае выкананне песні “Полька беларуская”.

Дыпломы ІІ ступені журы прысудзіла Мілане Загорскай (2 “Б” клас, песня “Дзяўчынка-беларуска”), Крысціне Ганчаровай і маме Марыне Казіміраўне Ганчаровай (6 “Б” клас, народная песня “Коцік”) і дуэту Сафія Цвердахлебава & Павел Падабед-Цэгалка (6 “В” клас, песня “Завіруха”).

Дыпломы ІІІ ступені дасталіся Аляксандры Зяньковіч (2“Б” клас, песня “Гэта Беларусь мая”) і Святлане Сяргеенка (5“В” клас, песня “Па-над белым пухам вішняў”).

Дыплом пераможцы ў намінацыі “Сучасная беларуская песня” атрымала Марыя Мельнік (2 “Г” клас, песня “Ветлівыя словы”), у намінацыі “Беларуская народная песня” – вакальная група 8-х класаў (песня “Чарнявая, бялявая…”). Лепшай вакальнай групай журы прызнала калектыў 9 Б” класа (песня “Саўка ды Грышка”). Журы таксама адзначыла дыпломамі арыгінальнае выкананне песні “Родны бусел” вучнямі 2 “В” класа. Прыз сімпатый гледачоў дастаўся вучням 7 “В” класа (песня “Маладая Беларусь”), а перамога ў намінацыі “Творчы пошук” Глебу Фурманаву і Лізавеце Касцічка (10 клас).

Пераможцам сярод бацькоў стала Алена Мікалаеўна Шумак, якая выканала песню “Беларусы мы”. У намінацыі “Педагагічны дэбют” узнагароду атрымалі Тамара Аляксееўна Манцівода, Ганна Аляксандраўна Камарова, Вольга Васільеўна Лагун.

Гэта было феерычнае свята. Да сустрэчы ў наступным годзе на нашым традыцыйным конкурсе “Спяваем па-беларуску”.

Тэматычны рэспубліканскі семінар “Кластарная мадэль кіравання як сродак павышэння эфектыўнасці і прадуктыўнасці інавацыі” прайшоў 4 снежня 2019 года на базе дзяржаўнай установы адукацыі “Ждановіцкая сярэдняя школа” з мэтай фарміравання ўпраўленчай кампетэнтнасці кіраўнікоў устаноў адукацыі па ўкараненні кластарнай мадэлі кіравання інавацыяй у межах сеткавага ўзаемадзеяння, арганізаваны Таццянай Фадзееўнай Пашковіч, намеснікам начальніка цэнтра развіццёвых педагагічных тэхналогій ДУА “Акадэмія паслядыпломнай адукацыі”. Удзельнікамі семінара сталі кіраўнікі ўстаноў адукацыі, якія працуюць над рэалізацыяй інавацыйнага праекта “Укараненне этнакультурных тэхналогій для пашырэння і ўзбагачэння адукацыйнага асяроддзя ўстановы адукацыі”.

Удзельнікаў семінара сустрэла танцавальная студыя “Трыумф”, якая працуе пад кіраўніцтвам педагога дадатковай адукацыі Левічавай Таццяны Алегаўны.

Стрэчка Анатолій Паўлавіч, дырэктар школы, прывітаў гасцей і выступіў з прэзентацыяй дзейнасці ўстановы адукацыі “Ждановіцкая сярэдняя школа”, а таксама прэзентаваў завочную экскурсію па аграгарадку Ждановічы, створаную вучаніцай 9 класа Вікторыяй Дарожка.

Прэзентацыю вопыту першага года рэалізацыі інавацыйнага праекта прадставілі каардынатар інавацыйнага праекта, намеснік дырэктара па вучэбнай рабоце Кацярына Аляксандраўна Ждановіч і настаўнік беларускай мовы і літаратуры Рэгіна Генадзьеўна Чашун.

Майстар-класы для ўдзельнікаў семінара правялі педагог-псіхолаг Вольга Вікенцьеўна Акуліч “Пераадоленне псіхалагічных бар’ераў у інавацыйнай дзейнасці педагогаў” і настаўнік беларускай мовы і літаратуры Рэгіна Генадзьеўна Чашун “Вершаскладанне як сродак папулярызацыі беларускай мовы”.

Удзельнікі інавацыйнага праекта Даніліна Марына Віктараўна, Жук Вольга Алегаўна, Камарова Ганна Аляксандраўна, Крукоўская Алена Валяр’янаўна, Манцівода Тамара Аляксееўна, Несцяронак Ірына Аляксандраўна прапанавалі кіраўнікам устаноў адукацыі прыняць удзел у QR-квесце “Калядная зорка”.

Падчас абмеркавання выступілі кіраўнікі ўстаноў адукыацыі: Чычкан Яўгеній Мікалаевіч (дзяржаўная ўстанова адукацыі “Жухавіцкая сярэдняя школа”Карэліцкі раён), Паплёўка Уладзімір Антонавіч (дзяржаўная ўстанова адукацыі “Гасцілавіцкая сярэдняя школа” Лагойскага раёна), Дравіца Рэгіна Іванаўна (дзяржаўная ўстанова адукацыі “Азёркаўская сярэдняя школа”), Блашко Марыя Юльянаўна (дзяржаўная ўстанова дадатковай адукацыі “Радунскі раённы цэнтр турызму, краязнаўства і экалогіі” Воранаўскі раён).

Вынікі семінара падвяла куратар праекта, намеснік начальніка цэнтра развіццёвых педагагічных тэхналогій ДУА “Акадэмія паслядыпломнай адукацыі” Таццяна Фадзееўна Пашковіч, якая прапанавала рэалізаваць кластарную мадэль кіравання як сродак павышэння эфектыўнасці і прадуктыўнасці інавацыі ў межах сеткавага ўзаемадзеяння ўдзельнікаў праекта “Укараненне этнакультурных тэхналогій для пашырэння і ўзбагачэння адукацыйнага асяроддзя ўстановы адукацыі”.

ФОТА

Каляды – народнае зімовае свята дахрысціянскага паходжання. Але што мы ведаем пра адзін з самых містычных звычаяў нашых продкаў? Хто такія калядоўнікі? Што сімвалізавалі Каза, Мядзведзь, Бусел? Якія стравы гатавалі нашы продкі для каляднай вячэры? Якія песні спявалі, калядуючы, і якія пажаданні рыхтавалі для гаспадароў?

У дзень інфармацыйнага праекта вучняў нашай школы чакалі новыя прыгоды падчас QR-квеста “Калядная зорка”. Кожны клас атрымаў маршрутны ліст, згодна з якім неабходна было прайсці шэсць станцый: Гісторыя ўзнікнення свята, Калядныя песні, Калядныя персанажы, Калядныя стравы, Калядная магія, Калядны дайджэст. Адказы на пытанні, прапанаваныя для квеста, можна было знайсці з дапамогай QR-кодаў. Праўда, QR-код трэба было спачатку адшукаць, разгадаўшы загадкі. Вучні ўспомнілі назвы некаторых прадметаў, звязаных з побытам нашых продкаў (прас, маслабойка, пранік…) і іх прызначэнне.. Праверыць, наколькі прадуктыўным быў удзел уQR-квесце, можна былона апошняй станцыі ў кабінеце інфарматыкі, выканаўшы тэставае заданне. Найлепшы вынік паказалі вучні каманды “Знічкі” (4 “В” клас), якія набралі 10 балаў (96, 1 %). Каманды “Буслік” (3 “Б” клас) і “Каляда” (6 “В”) набралі па 9 балаў (91,3% і 88,8%). Па 8 балаў набралі каманды “Смарагдавыя цмокі” (7 “В”клас) і “Зюзі” (3 “Г” клас). Большасць каманд выканалі заданні на 7 балаў.

QR-квест “Калядная зорка” дапамог нам зразумець, што нашы продкі жылі мудра, шанавалі свае звычаі, умелі весяліцца.

Квест “Залацінкі роднай мовы” захапіў, зацікавіў, падараваў цудоўны настрой і спартыўны азарт.

Маршрут распрацаваны настаўнікамі і вучнямі, якія наведваюцьфакультатыўныя заняткі «Вытокі слова», факультатыўныя заняткі па вучэбных прадметах “Беларуская мова”, “Беларуская літаратура”, “Гісторыя Беларусі”, заняткі па інтарэсах «Купалінка», «Літаратурнае краязнаўства», «Люстэрак», «Эрудыт».

Маршрутны ліст складаўся з шасці станцый, на кожнай з якіх неабходна было паказаць свае веды па мове, літаратуры і гісторыі. А мэтай было знайсці залацінкі – беларускія словы, якімі называюцца прадметы, з’явы, архітэктурныя помнікі, назвы прылад быту.

А пачыналася ўсё з выбару назвы каманды. Найбольш цікавыя назвы прыдумалі вучні 2 “А” класа – “Сунічкі”, 2 “В” – “Вясёлка”,    8 “А” – “Белавежская пушча”, прыгожа гучалі назвы і іншых каманд “Рамонак”, “Зубраня”…

Удзельнікі квесту ўспомнілі, як называюцца па-беларуску элементы адзення, як называліся розныя віды беларускага адзення ў ХІХ і пачатку ХХ стагоддзя. А вучні пачатковых класаў змаглі нават пашырыць веды, атрыманыя на факультатыўных занятках “Вытокі роднай мовы”.

У мінулае трапілі вучні і на станцыі “У музеі беларускага побыту”. Вельмі няпроста было правільна назваць прадметы сялянскага быту, якія можна ў наш час убачыць толькі ў музеі. Але вучні-кансультанты дапамагалі ўсім.

Таксама няпроста было і на станцыі “Архітэктурныя помнікі Беларусі”. Словы палац, сядзіба, помнік, абеліск, царква не выклікалі асаблівых цяжкасцей. Але як правільна гучыць поўная назва помніка? Напрыклад: Нясвіжскі палацава-замкавы комплекс.

“Літаратурны калейдаскоп” запрасіў каманды ў бібліятэку. А ў кабінеце інфарматыкі на станцыі “Інтэрактыўная мова” можна было паказаць свае веды ў перакладзе з рускай мовы на беларускую, папрацаваўшы на платформе “EFFOR.BY”.

Дыплом І ступені атрымалі каманды 2 “В” і 8 “Б” класаў, Дыплом ІІ ступені – 5 “В” класса, Дыплом ІІІ ступені 5 “А” і 5 “Б”,   2 “Б” класаў. Дыплом “Лепшы ў намінацыі “Назва каманды” атрымалі вучні 2 “А” і 8 “А” класаў. Адначасова каманды атрымалі новыя маршрутныя лісты па тэме “Безэквівалентная лексіка”, заданні якіх разлічаны на два тыдні. Поспехаў усім камандам!